دەقی یاسا

بەناوی خودای بەخشندەو میهرەبان
بەناوی گەلەوە
پەرلەمانی كوردستان ـ عێراق

بڕیاری ژمارە (5)ی ساڵی 2009

پشت بەستن بە حوكمی ماددەی (56) بڕگەی (3) لەیاسای ژمارە (1)ی ساڵی 1992ی هەمواركراو، لەسەر داوای ژمارەی یاسایی پەرلەمانتاران. پەرلەمانی كوردستان ـ عێراق لەدانیشتنی ئاسایی ژمارە (13)ی رۆژی 13/5/2009ی خۆیدا، بڕیاردرا:-

	
یەكەم: بەدەر لە حوكمی ماددەی سێیەم لە یاسای سەرۆكایەتی هەرێم ژمارە (1) ی ساڵی 2005ی هەمواركراو ویلایەتی سەرۆكی هەرێم كە لە 12/6/2009 كۆتایی پێدێت، درێژدەكرێتەوە تاكو هەڵبژاردنی سەرۆكێكی نوێ‌  بۆ هەرێم و دەست بەكاربوونی.

دووەم: كار بە هیچ دەقێكی یاسایی یان بڕیارێك ناكرێت پێچەوانەی حوكمەكانی ئەم بڕیارە بێت.

سێیەم: لەسەر ئەنجومەنی وەزیران و لایەنە  پەیوەندیدارەكانە حوكمەكانی ئەم بڕیارە جێ‌ بەجێ‌ بكەن.

چوارەم: ئەم بڕیارە لە رۆژی دەرچوواندنیەوە جێبەجێ‌ دەكرێ‌ و لە رۆژنامەی فەرمی (وەقائیعی كوردستان)دا بڵاودەكرێتەوە.





                                                                                                                                                          عەدنان موفتی
                                                                                                                                              سەرۆكی پەرلەمانی كوردستان ـ عێراق