دەقی یاسا

بەناوی خوای بەخشندەو میهرەبان
بەناوی گەلەوە
ئەنجومەنی نیشتمانیی كوردستان - عێراق
ژمارەی بڕیار: 14
رۆژی بڕیار: 3/10/2002

بڕیار
پشت بە حوكمەكانی بڕگە (1)ی ماددەی (56) لە یاسای ژمارە (1)ی هەمواركراوی ساڵی (1992)و لەسەر داوای ئەنجومەنی وەزیرانی هەرێم، ئەنجومەنی نیشتمانیی كوردستانی عێراق لە دانیشتنی رۆژی (3/10/2002)یدا ئەم بڕیارەی خوارەوەی دا:-
یەكەم: دەسەڵات دەدرێت بە سەرۆكی ئەنجومەنی وەزیرانی هەرێمی كوردستانی عێراق كە كەسانی سەر بە لەشكری كوردستان "پێشمەرگە" خانەنشین بكات و مووچەی خانەنشینییەكەشیان بەپێی روتبەو دەرەجەكانیان دیار بكات.
دووەم: هەر دەقێ پێچەوانەی حوكمەكانی ئەم بڕیارە بێت ناخرێتە بەركار.
سێیەم: ئەم بڕیارە لە رۆژی دەرهێنانیەوە دەخرێتە بەركارو  لە وەقایعی كوردستانیشدا بڵاو دەكرێتەوە.

                                                                                                         د.رۆژ نوری شاوەیس
                                                                                          سەرۆكی ئەنجومەنی نیشتمانیی كوردستانی – عێراق