دەقی یاسا

بەناوی خوای بەخشندە و میهرەبان
بەناوی گەلەوە
پەرلەمانی کوردستان - عیراق
بڕیار
ژمارە (28 )ی ساڵی 2014

پاڵپشت بەحوکمی بڕگە (1)ی ماددەی (56) لەیاسای هەڵبژاردنی پەرلەمانی کوردستان ژمارە (1)ی ساڵی 1992ی هەموارکراو ، لەسەر داوای سەرۆکی هەرێمی کوردستان و ، بەپێی بڕگەی (یازدەم)  لە ماددەی  (دەیەم)  لە یاسای سەرۆکایەتی هەرێمی کوردستان ژمارە (1)ی ساڵی 2005ی هەموارکراو ، پەرلەمانی کوردستان لە دانیشتنی ژمارە (7)ی رۆژی 2014/10/22 دا ئەم بریارەی دا :
یەکەم : رەزامەندیی دەربڕین لەسەر ناردنی هێزی پێشمەرگەی هەرێمی کوردستان بۆ بەرگری لە کۆبانێ .
دووەم: لەسەر وەزارەتی کاروباری پێشمەرگە و لایەنە پەیوەندیدارەکان پێویستە حوکمەکانی ئەم بڕیارە جێبەجێ بکەن . 
سێیەم : ئەم بڕیارە لە رۆژی دەرچوونی لە 2014/10/22 ەوە جێبەجێ دەکرێت و لە رۆژنامەی فەرمیی  (وەقایعی کوردستان)دا بڵاودەکرێتەوە .

                                                                                             د.یوسف محمد صادق
                                                                                      سەرۆکی پەرلەمانی کوردستان – عێراق

هۆیەکانی دەرچوواندن
لەسەر داوای سەرۆکی هەرێمی کوردستان و ، بەپێی بڕگەی (یازدەم)  لە ماددەی  (دەیەم)  لە یاسای سەرۆکایەتی هەرێمی کوردستان ژمارە (1)ی ساڵی 2005ی هەموارکراو و ، بەپێی ئەو دەسەڵاتەی پێیدراوە بۆ جوڵاندنی هێزی پێشمەرگە بۆ دەرەوەی هەرێمی کوردستان بەرەزامەندی پەرلەمانی کوردستان و ، بەمەبەستی پاراستنی ئاسایشی نیشتمانی لە مەترسیەکانی تیرۆر بەتایبەت کردەکانی رێکخراوی تیرۆرستی ناسراو بە (داعش) و ، بەو پێیەی عێراق و هەرێمی کوردستان بەشێکن لە هاوپەیمانی نێودەوڵەتی بۆ بەرەنگاربوونەوەی تیرۆر وەک بەشێک لە پێداویستییەنای جێبەجێکردنی  بڕیاری پەرلەمانی کوردستان ژمارە (24) لە 2014/10/15 ئەم بریارە دەرچوێندرا .