دەقی یاسا

بە ناوی خوای بەخشندە و میهرەبان
بە ناوی گەلەوە
ئەنجومەنی نیشتمانیی كوردستانی عێراق
ژمارە بڕیار: 10
رۆژی بڕیار: 10/10/2001
بڕیار
پشت بە حوكمەكانی بڕگە (1) لە ماددەی (56) و ماددەی (53) لە یاسای ژمارە (1)ی هەمواركراوی ساڵی (1992)و لەسەر داوی ئەنجومەنی وەزیران، ئەنجومەنی نیشتمانیی كوردستانی عێراق لە دانیشتنی ژمارە (6)ی رۆژی10/10/2001 دا  بڕیاری ئەمەی خوارەوەی دا.
یەكەم: دەسەڵات بە سەرۆكی ئەنجومەنی وەزیرانی هەرێمی كوردستان دەدرێت بۆ بڕیاردانی لێبووردنی تایبەت (عفوخاص) بۆ تاوانبار و حوكمدراوانی ئەو دەعوایانە دەربكات كە لە نێوان لایەنەكانیدا ئاشتبوونەوە و پێكهاتن دێتە دی. بەدەری ئەم تاوانانە:-
1- بێ هۆش كەرەكان (مخدرات).
2- سیخوڕی.
3- كوشتنی هاوڵ بە دزی.
4- اختلاس و دزی كردنی پارەوپولی دەوڵەت.
5- بەرتیل.
6- دەست درێژی كردن (اغتصاب).
7- نێربازی (لواگە).
8- داوێن پیسی (الزنا) بە مەحرەم.
9- دەست درێژی كردن بە فەرمانبەر و ئەو كەسانەی كە بەكاری خزمەتگوزاری گشتی هەڵدەستن لە كاتی ئەنجام گەیاندنی ئەركەكانیان یاخود بەهۆیەوە.
10- كوشتنی ئە بینیانەی كە لە هەرێمی كوردستان كار دەكەن.
11- تاوانەكانی تیرۆر.
دووەم: ئەم بڕیارە كاری پێ‌ دەكرێت تاوەكو تەواو كردنی قۆناغی دووەمی هەڵبژاردنی سەرۆكی بزوتنەوەی رزگاریخوازی كورد.
سێیەم: لە یەكجار زیاتر حوكمدراوەكان ناتوانن سوود لەم بڕیاری لێبوردنی تایبەتە وەرگرن.
چوارەم: پێویستە  وەزیرە پەیوەندارەكان حوكمەكانی ئەم بڕیارە بخەنە كار.
پێنجەم: هەر دەقێ‌ پێچەوانەی حوكمەكانی ئەو بڕیارە بێت، ناخرێتە بەر كار.
شەشەم: ئەم بڕیارە لە رۆژی بڵاوكردنەوەی لە رۆژی بڵاوكردنەوەی لە (وەقایعی كوردستان) دا، بڵاودەكرێتەوە.
 
                                                                                                  د. رۆژ نوری شاوەیس
                                                                                       سەرۆكی ئەنجومەنی نیشتمانی كوردستانی عێراق