بڕیاری ژمارە (34) ساڵی 2003 جاڕدانی باری لە ناكاو (حالة الطوارئ) هەرێمی كوردستان كاتی دەست پێكردنی شەڕی عێراق

ژمارەی بڕیار : 34
ساڵی دەرچوون : 2003
بەرکارە

هەموارەکان : 0

یاسا پەیوەستەکان : 0

پڕۆتۆکۆڵ


دەقی یاسا

بە ناوی خوای بەخشندە و میهرەبان
بە ناوی گەلەوە
ئەنجومەنی نیشتمانیی كوردستانی – عێراق
ژمارەی بڕیار: 34
ڕۆژی بڕیار: 19/3/2003

بڕیار
پشت بە حوكمەكانی بڕگە (1)ی ماددەی (56)لە یاسای ژمارە (1)ی هەمواركراوی ساڵی (1992) و لەسەر داوای ژمارەی یاسایی لە ئەندامانی ئەنجومەنی نیشتمانیی كوردستانی عێراق, ئەنجومەنی نیشتمانی لە دانیشتنی ڕۆژی (19/3/2003)یدا ئەم بڕیارەی خوارەوەی دا:
یەكەم: لەبەر ئەگەری قەومانی جەنگ, هەرێمی كوردستانی عیراق دەكەوێتە ژێر بارودۆخی ناكاو (حالە الگواری‌و) تا ڕاگەیاندنێكی دیكە.
دووەم: ئەو جەریمانەی كە لەو ماوەیەدا دەكرێنە سەر خەڵك و موڵك و ماڵ بە هەلومەرجی توندوتیژ بۆ تێوەگلاوەكانیان لە قەڵەم دەدرێت.
سێیەم: هەر دەقێ‌ پێچەوانەی حوكمەكانی ئەم بڕیارە بێت ناخرێتە بەركار.
چوارەم: پێویستە لەسەر ئەنجومەنی وەزیران حوكمەكانی ئەم بڕیارە بخاتە بەركار.
پێنجەم: ئەم بڕیارە لە ڕۆژی (19/3/2003)وە دەخرێتە بەركارو لە (وەقایعی كوردستان)دا بڵاودەكرێتەوە.

                                                                                                     د. ڕۆژ نوری شاوەیس
                                                                                        سەرۆكی ئەنجومەنی نیشتمانیی كوردستانی – عێراق