دەقی یاسا

یاسای سزا دانی هه‌ڵگرتن و دروست كردن و
به‌كارهێنانی ته‌قه‌مه‌نی (متفجرات و مفرقعات)

به‌ناوی خوای به‌خشنده‌و میهره‌بان
به‌ ناوی گه‌ل
ئه‌نجوومه‌نی نیشتمانیی كوردستانی عێراق
ژماره‌ بڕیار:32
مێژووی بڕیار 14/11/1992
23/ گه‌ڵا رێزان/ 2692 ك
بڕیار

به‌پێی حوكمی بڕگه‌ی (1)ی له‌ مادده‌ی (56)ی یاسای ژماره‌ (1)ی سالی 1991 و له‌سه‌ر پێشنیازی ئه‌نجوومه‌نی وه‌زیرانی هه‌رێمی كوردستان، ئه‌نجوومه‌نی نیشتمانیی كوردستانی عێراق له‌ دانیشتنی 2/11/1992 دا ئه‌م یاسایه‌ی ده‌ركرد:
یاسای ژماره‌ (8) ساڵی 1992
یاسای سزا دانی هه‌ڵگرتن و دروست كردن و
به‌كارهێنانی ته‌قه‌ مه‌نی (متفجرات و مفرقعات)

1-هه‌ر كه‌سێك به‌بێ مۆڵه‌ت له‌ لایه‌ن ده‌سه‌ڵاتێكی میری ی ده‌سه‌ڵات پێدراوه‌ ته‌قه‌مه‌نی (متفجرات و مفرقعات) دروست بكا یا له‌ ده‌ره‌وه‌ بیهێنێ (استیراد) یا له‌ لای بێ، به‌ زیندانیكردن كه‌ له‌ له‌ پازده‌ ساڵ زیاتر نه‌بێ سزا ده‌درێ. ئه‌و شنانه‌ش به‌ حوكمی ته‌قه‌مه‌نی دادده‌نرێ كه‌ بۆ پێك هێنانیان به‌كار دده‌هێنرێن. هه‌روه‌ها ئه‌و جیهاز و ئامێرو ئه‌ده‌واتانه‌ش كه‌بۆ دروستكردن و ته‌قاندنیان به‌ كار ده‌هێنرێن.
2-هه‌ر كه‌سێك ته‌قه‌مه‌نی (متفجرات و مفرقعات) ی به‌ ئامانجی تێكادن یا رێككه‌وتن له‌گه‌ڵ دوژمنانی گه‌لی كوردستاندا به‌كار هێنا یا ده‌ستی دایه‌ به‌كارهێنانی (شروع) به‌ شێوه‌یه‌ك كه‌ یانی خه‌ڵكی بخاته‌ مه‌ترسییه‌وه‌ یا زه‌ره‌ رێكی گه‌وره‌ به‌ كه‌سان بگه‌یه‌نێ یا ببیته‌ هۆی مردنیان، به‌ ئیعدام كردن سزا ده‌درێ.
3-ده‌بێ وه‌زیره‌ په‌یوه‌نداره‌كان حوكمه‌كانی ئه‌م یاسایه‌ جێ به‌جێ بكه‌ن.
4-ئه‌م یاسایه‌ دوای پازده‌ رۆژ له‌ بڵاوكردنه‌وه‌ یه‌وه‌ له‌ رۆژنامه‌ی ره‌سمیدا كاری پێده‌كرێ.


                                                                                         نه‌ژاد احمد عزیز ئاغا
                                                                        و/ سه‌رۆكی ئه‌نجوومه‌نی نیشتمانیی كوردستانی عێراق