دەقی یاسا

به‌ناوی خودای به‌خشنده‌و میهره‌بان
به‌ناوی گه‌له‌وه‌
په‌رله‌مانی كوردستان ـ عێراق

پشت به‌ حوكمی بڕگه‌ی (1 ) له‌ مادده‌ی (56)ی یاسای ژماره‌ (1)ی ساڵی 1992ی هه‌مواركراوو، له‌سه‌ر داوای ژماره‌ی یاسایی ئه‌ندامانی په‌رله‌مان، په‌رله‌مانی كوردستان ـ عێراق له‌ دانیشتی ئاسایی ژماره‌ (9)ی رۆژی 16/6/2014 بڕیاری ده‌رچوواندنی ئه‌م یاسایه‌ی دا:

    یاسای ژماره‌ (2)ی ساڵی 2014
یاسای درێژه‌دان به‌كارپێكردنی یاسای به‌ره‌نگاربوونه‌وه‌ی تیرۆر 
ژماره‌ (3)ی ساڵی 2006 له‌ هه‌رێمی كوردستان ـ عێراق
مادده‌ی یه‌كه‌م: 
درێژه‌دانی كاركردن به‌ حوكمه‌كانی یاسای به‌ره‌نگاربوونه‌وه‌ی تیرۆر ژماره‌ (3)ی ساڵی 2006 تا 16/7/2016. 
مادده‌ی دووه‌م: 
پێویسته‌ له‌سه‌ر ئه‌نجومه‌نی وه‌زیران و لایه‌نه‌ په‌یوه‌ندیداره‌كان ئه‌م یاسایه‌ جێبه‌جێ بكه‌ن. 
مادده‌ی سێیه‌م: 
ئه‌م یاسایه‌ له‌ رۆژی 17/7/2014، جێبه‌جێ ده‌كرێت و، له‌ رۆژنامه‌ی فه‌رمی( وه‌قایعی كوردستان) بڵاوده‌كرێته‌وه‌. 




                                                                                                           یوسف محمد صادق
                                                                                                سەرۆکی پەرلەمانی کوردستان – عێراق


هۆكاره‌كانی ده‌رچوواندنی ئه‌م یاسایه‌
بۆ پاراستنی سه‌روماڵ و موڵكی هاووڵاتیانی هه‌رێم و ئاسوده‌یی و سه‌قامگیریان و، به‌هۆی به‌رده‌وامی مه‌ترسیه‌كانی تیرۆر و به‌ره‌نگاربوونه‌وه‌ی، ئه‌م یاسایه‌ ده‌رچوێندرا.